თბილისში XIX - XX საუკუნეების მიჯნაზე მრავლად იყო დუქნები, სადაც თავს იყრიდა ძველი თბილისის ბოჰემური საზოგადოება. ვორონცოვის მოედანზე 1905-20 წლებში  ვაჭარ შაქროს დუქანი ჰქონდა. ეს დუქანი ყარაჩოღლების, ვაჭრების, მხატვრების და პოეტების დროის გასატარებელი საყვარელი ადგილი გახლდათ. როგორც ამბობენ, დუქნის დიდ დარბაზში, დიდი ვაჟა-ფშაველა მოაჯირზე ჩამომჯდარი ლექსებს კითხულობდა, ხოლო ნიკალა ფიროსმანი დაღამებამდე კუთხეში თავის მუზას, ხის დაფაზე ბუხრიდან აღებული ნახშირით ხატავდა. ისტორია გრძელდება და საუკუნეების შემდეგ ძველი დუქანი, ოღონდ უკვე ლუდსახარში ”მირზაანის” სახელით მასპინძლობს სტუმრებს. ჩვენთან გერმანული ტექნოლოგიით ადგილზე იხარშება ხორბლის და პილზენის ლუდი. ლუდი გაუფილტრავია და გერმანული ნედლეულით მზადდება ყოველგვარი დანამატების გარეშე. მას აქვს დამახასიათებელი სპეციფიური გემო და არომატი. ჩვენ ვართ პირველი კომპანია ვინც მომხმარებელს შესთავაზა, ადგილზე მოხარშული ხორბლის   ლუდი.